Sem beinlaus hraukur af hökkuðu kjöti
er svikinn maður eins og svikinn héri.
Í raspi brauðsins hans bíður hiti
og hörundsæri.

Svikinn, svekktur, svikinn héri.
Svekkelsið er svert í heitu keri.

Á baki hérans er hold af svíni
og sannfærandi er sviðinn ofninn.
Já, eins og maður í mæðu holdsins
haldinn kvíða.

Svikinn, svekktur, svikinn héri.
Svekkelsið er svert í heitu keri.

En svikinn héra, hann borða fáir
en fjöldi svika er sviðin jörðin
og hver vill líta með litlum manni,
mæddum, sviknum?